Buhayên gazê li Cizîrê hatin diyarkirin

Karîgeriya Giştî ya Bazirganiyê li herêma Cizîrê belavokek weşand û tê de buhayên tîpên gazê li herêma Cizîrê diyar kirin. Di belavokê de hate gotin ku kesên li gorî vê belavokê tev negerin dê rastî cezayan werin.

18 îlon, 2018 11:22

NAVENDA NÛÇEYAN

Karîgeriya Giştî ya Bazirganiyê li herêma Cizîrê belavokeke bi hejmar 84 weşand û tê de şert û mercên kirîn û firotina tîpên gazê li herêma Cizîrê diyar kirin.

Di belavokê de wiha hate gotin:

“Buhaya tîpên gaza butan li herêma Cizîrê wiha diyar dibe:

Bêtirî 23 kîlogram

- Li deverên Dêrik, Çilaxa, Tirbespiyê 2300 LS

- Li bajarê Qamişlo û navçeyên wê 2400 LS

- Li bajarê Hesekê û navçeyên wê 2400 LS

Ji karkerên bazirganiya gaza butanê dikin wiha tê xwestin:

- Divê textenavekî bi dikan an embara xwe ve daliqînin û tê de destûra xwe ya bazirganiyê nîşan bidin.

- Buhayê gazê nîşan bidin.

- Gazê li gorî sicilê û qoçanê belav bikin.

- Dikana xwe ji bilî betlane û minasebetan rojane vekin.

Tiştên ji wan re qedexe ev in:

- Tîpên gazê li cihên ne taybet bêne danîn.

- Firotina komfiroş bi mebesta bazirganiya nerewa.

- Dagirtina tîpên biçûk (gaza geştewariyê) eger nehatibe destûrkirin.

- Tîp li gorî giraniyê bêne veqetandin.

Tevgerên ne li gorî van agahiyan, karkerên ku bazirganiya gaza butanê dikin dê rastî cezayan werin û destûra wî dê were betalkirin û tîpên gazê yên li ba wî jî dê bêne wergirtin û dê fermî hewaleyî dadgeriyê werin kirin.”

ANHA