Li Karîgeriya Veguhastinê ya Tebqayê rengê jinan

Jinên Tebqayê bi awayekî çalak di hemû qadên jiyanê de kar û xebatan dimeşînin û rola xwe di avakirina civakê de dilîzin. Li gorî hevseroka Karîgeriya Veguhastinê ya girêdayî Komîteya Hundirîn a Rêveberiya Sivîl a Tebqayê, jinan xwe di vî warî de îsbat kir.

11 îlon, 2018 06:42

ESMAHAN UMER / TEBQA

Jinan bi beşdarbûna xwe di nav hemû warên jiyanê de rola xwe îsbat kir û hemû bend şikandin. Her wiha ji zîhniyeta mêrdestiyê û hemû zincîrên ku ew sînordar kiribûn, rizgar bûn.

Ji destpêka avakirina Karîgeriya Veguhastinê ve jinan gotinên ku dibêjin ‘ew nikarin mudexeleya kar û barên erebeyan bikin û ev kar tenê yê mêran e’ pûç kirin û tev li xebatên karîgeriyê bûn.

Heta niha hejmara jinên karker di karîgeriyê de 12 e. Di hemû beşên karîgeriyê de cih girtine wekî arşîv û beşa sehkirinê. Ruxmî hejmara jinan a kêm di nav karîgeriyê de, xwe û karê xwe bi pêş xistin û ji civakê re îsbat kir ku jin dikarin di hemû waran de bixebitin.

Li gorî ku endama rêveber a Karîgeriya Veguhastinê Hala El-Hisên tekez kir, tê texmînkirin ku ji bo xurtkirina şarezahiyên jinan li ser kompîtur û fêrkirina ajotinê, dê dewreyên taybet ji bo jinan werin vekirin.

(şx)

ANHA