Li Dêrikê têkildarî rewşa siyasî semînerek li dar ket

QAMIŞLO

Oldar, Meclisa Êlan, ENKS`ê, Partiya Yekitiya Demokratîk (PYD), Yekitiya Rewşenbîran, partiyên koalîsyonê û bi sedan şêniyên herêma Dêrikê beşdarî semînerê bûn.

Semîner bi rêzgirtinê dest pê kir. Paşê sekreterê Partiya Demokratîk PDPKS`ê Abdullhemîd Derwîş li ser rewşa siyasî li Sûriyeyê û destwerdanên derve, herêmî û navdewletî axivî.   

Derwîş li ser rola neyînî ya dewleta Tirk a dagirker di aloziya Sûriyeyê de, bi taybet piştgiriya wê ji komên çekdar re û û tevliheviya li herêmê bi taybet piştî ku kantona Efrînê dagir kirin û mal û milkên welatiyan talan kirin, axivî.

Derwîş di axaftina xwe de banga kongreyeke neteweyî kir ku hemû partî û aliyên siyasî tev lê bibin û aloziya Sûriyeyê çareser bikin.

Her wiha Derwîş banga yekitiya Kurdan ji bo xizmeta doza kurdî û gelê Kurd kir.

Ji aliyê xwe ve endamê Buroya Siyasî ya PDPKS`ê Ehmed Silêman ji ajansa me ANHA`yê re diyar kir ku armanca wan ji lidarxistina semînerê ku nêrîna partiya wan di aliyê siyasî ya Sûriyeyê û rewşa Kurdan û pêwîstiyên ku pê rabe, were diyarkirin. Her wiha Ehmed Silêman destnîşan kir ku dem hatiye hevpeyvîn ji bo xizmeta gelê kurd li Sûriyeyê were kirin û ew bi hêvî ne ku rola Kurdan di çareseriyê de sereke be.

Semîner bi pirs û nîqaşan bi dawî bû.

(bx)

ANHA