Dibistanên gundên Dêrazorê tên paqijkirin

Bi nêzîkbûna sala nû ya xwendinê re Komîteya Xizmetguzarî û Şaredariyan a Meclisa Sivîl a Dêrazorê dest bi paqijkirina gemar û bermahiyên li ser rêyan û li dibistanan kir.

NÛÇE

5 îlon, 2018 12:44

DÊRAZOR

Komîteya Xizmetguzerî û Şaredariyan a Meclisa Sivîl a Dêrazorê bi hevkariya hemleya Firatê dest bi paqijkirina bermahî û gemara bajêr kir. Paqijkirin li dibistan û rêyên sereke, şax û çerxerêyan tê kirin.

Karker hemû gemarên ku li ser rêyên dibistanan kom bûne, radikin û bi traktoran dibin cihên guncaw.

Paşê karker dibistan û kolanan paqij dikin û avê li cihên paqij direşînin.

Paqijkirin ji gundê El-Kibir û navçeya El-Kesra hate destpêkirin, wê hemle heta gundên Hemar El-Elî, Hemar El-Kesar, Sewa, Mihêmîdiyê û Cinêniyê were kirin.

Serokê Şaredariya El-Kibir Ferec Mûsa wiha got: "Bi nêzîkbûna vekirina dibistanan re, Şaredariya Gel a El-Kibir bi hevkariya hemleya Firatê kolan paqij kirin."

Berpirsyarê hemleya Firatê Ebdulrehman El-Mistefa axivî û wiha got: "Bi alîkariya hemleya Firatê me hemû dibistan amade kirin û paqij kirin."

Hemleya Firatê ya paqijiyê di 2’yê Tîrmehê de dest pê kiribû.

ANHA