Ji YPG‘ê li dijî hêzên dagirker rêzeçalakî

Şervanên YPG û YPJ‘ê li Efrînê li dijî artêşa Tirk a dagirker û çeteyên girêdayî wî rêzeçalakî kirin, tê gotin ku kuştî û birîndarên çeteyan hene.

NÛÇE

3 îlon, 2018 20:57

EFRÎN

Li gorî agahiyên ku ji Efrînê hatine girtin, şervanên YPG û YPJ‘ê di çarçoveya qonaxa duyemîn a Berxwedana Serdemê ya Efrînê ya li dijî artêşa Tirk a dagirker û çeteyên wê de li bajarê Efrînê rêzeçalakî li dar xistin, hêzên dagirker ji ber çalakiyan derbeyên giran xwarin.

Şervanan, li benda kontrolê ya çeteyan a gundê Tirindê ku 1 km dûrî bajarê Efrînê dikeve teqîne pêk anîn. Ji ber teqînê kuştî û birîndarên çeteyên "Lîwa El-Şemal El-Sûrî û Fureqya 23 a girêdayî dagirkeriya Tirkiyê çêbûn. hejmara kuştî û birîndaran nehatin zanîn.

YPG û YPJ‘ê li Çiyayê Ehlam wesayîteke leşkerî ya çeteyan kir hedef, li vir jî kuştî û birîndarên çeteyên çêbûn.

Hate ragihandin ku balafirên şer ên dewleta Tirk li ser herêmê digeriyan.

Di heman demê de, artêşa Tirk a dagirker û çeteyên wê bi tundên Şêrawa, derdora Ciyayê Ehlam topbaran dikin.

Ragihandina YPG‘ê dê di demên pêş de encamên çalakiyan parve bike.

ANHA