Şervanê YPG‘ê Baqî Caro li Hesekê hat oxirkirin

HESEKÊ

Bi sedan şêniyên bajar û gundewarên Hesekê beşdarî merasîmê oxirkirina cenazeyê şervanê YPG‘ê Baqî Caro bûn. Girseya şêniyan piştî ku cenaze ji ber avahiya Meclisa Malbatên Şehîdan girtin bi kerwanekî erebeyan ku bi wêneyên şehîd û ala YPG‘ê hatibû xemilandin ber bi goristana Şehîd Dijwar a li gundê Dawidiyê ve ketin.

Li goristanê merasîmeke leşkerî ji aliyê şervanên YPG û YPJ‘ê ve hate lidarxistin.

Endama Meclisa Malbatên Şehîdan Sultana Ezîz sersaxî ji malbata şehîd re xwest û anî ziman ku şehadet cihê serferaziyê ye, bi keda wan welat azad dibin.

Her wiha bi navê YPG‘ê Elî Şedadê axivî û ev tişt got, "Axa me, gelê me û welatê me hêjane ku em xwe fedayê wan bikin, bi saya xwîna şehîdan em îro bi aramî û jiyan dikin. Şehîd dîrok û pêşeroja me ne."

Hevserokê Meclisa Kantona Hesekê Ebdulezîz Oso soza şopandina xeta şehîdan û parastina destkeftiyên ku bi xwîna wan hatine qezenckirin da.

Wesîqeya şehadetê ji aliyê endama Meclisa Malbatên Şehîdan Rojda Ehmed ve hate xwendin û radestî malbata wî hate kirin.

Hevalên şehîd cenazeyê Baqî di nava dirûşmeyan û tilîliyên dayika spartin axê.

ANHA