Partiya Sûriyeya Pêşerojê li Dêrazorê buroyek vekir

DÊRAZOR

Di çarçoveya danasîna partiyê û naskirina armancên wê de Partiya Sûriyeya Pêşerojê navendeke xwe bi merasîmekê li gundê Mehîmîdiya vekir.

Endamên Meclisa Sivîl a Dêrazorê, Meclisa Zagonsaz a Meclisa Sivîl a Dêrazorê, serokê Partiya Sûriyeya Pêşerojê Îbrahîm El-Qeftan, şervan û fermandarên QSD’ê, endamên saziyên civaka sivîl û bi dehan şêniyên Dêrazorê beşdarî merasîmê bûn.

Merasîma vekirinê bi bîranîna cangoriyên azadiyê dest pê kir. Piştre, Îbrahîm El-Qeftan axivî û vekirina buroyê li şêniyên Dêrazorê pîroz kir û diyar ku partiya wan a hemû gelê Sûriye û kesên banga azadî, pirrengî û û nenavendî dikin.

Serokê Buroya Partiya Sûriyê ya Pêşerojê li Dêrazorê Hanî El-Efyan axivî û got vekirina buroyê ji bo Dêrazorê gavekî pir girîng e da ku gel bi hev re bibe alîkar di yekbûna axa xwe de û dengê xwe bigihînin her kesî.

Piştî axaftinan, deriyê buroyê ji aliyê keça şehîd Xalid Deham El-Beşîr, Fatime El-Beşîr ve hate vekirin.

Di  dawiya merasîmê de, koma Zerdeşt Kobanê şanoyek der barê êş û azarên zarokên Efrînê de pêşkêş kir, her wiha strana bi navê ʺBi hev re zarokên cîhanê stranan bêjinʺ hate gotin.

(kc)

ANHA