Mîhrecana Kirînûfirotinê ya Tebqayê cardin tê organîzekirin

TEBQA

Li herêma Teqayê piştî 10 salan Mîhrecana Fikrînûfirotinê ji aliyê Rêveberiya Sivîl a Demokratîk a Herêma Tebqayê ve careke din hate organîzekirin.

Mîhrecan li çerxeriya Sanî ya bajarê Tebqayê tê organîzekirin. Tê gotin ku dê 10 rojan berdewam bike. Di mîhrecanê de dê cil û berg, alavên matbexê û madeyên xwarinê û hwd werin pêşkêşkirin.

Cihê mîhrecanê bi wêneyên şehîdên QSD‘ê yên rizgarkirina herêmên Tebqa û Reqayê de şîrîtên rengreng hatibûn xemilandin.

Di merasîmê destpêka mîhrecanê de, Hevseroka Meclisa Zagonsaz a herêma Tebqayê Rewşen Hemê, Hevserokên Meclisa Rêveber a Tebqayê Hind El-Elî û Şiyar Mihemed, Serokê Partiya Sûriyeya Pêşerojê Buroya Tebqayê Musena Ebdulkerîm û Hevserokên komîte û meclisên herêmî û bi dehan şênî made bûn.

Endamê Rêveber ê Mûdîriyeta Tûrîzmî û Şûnwaran a Tebqayê Ehmed El-Mûsaa bi xêrkirina beşdaran kir û hêvî kir ku şênî ji vê insyatîfê kêfxweş bin.

Musena Ebdulkerîm jî axivî û  hezkiriyên aşîtî û lêborînê silav kir.

Ebdulkerîm anî ziman ku armanca Partiya Sûriyeyê Pêşerojê rizgkirina gel û çareserkirina siyasî li ser bingehên diyalogên Sûrî-Sûrî ye.

Rêvebera Saziya Malbatên Şehîdan Emîna Ebdulrezaq cangoriyên azadiyê bi bîr anîn û got, "Ne ji wan be me nedikarî bi aramî kom bibin û civakî ava bikin."

Piştî axaftinan, koma dîlanan a zarokan a girêdayî Komîteya Çand û Hunerê ya Tebqayê tabloyek pêşkêş kir.

ANHA