Sedemên zêdebûna qezayên trafîkê li Reqayê çi ne?

HEMÎD EL-ELÎ / REQA

Li bajarê Reqayê û gundewarên wê, gelek qezayên trafîkê rû didin. Mehane digihîje zêdetirî 40 qezayan. Ji aliyê xwe Navenda Trafîkê ya Reqayê xebatên parastina welatiyan didomîne, bendên kontrolê di nav bajêr de danîne û bi şev û roj dewriyeyên trafîkê dimeşîne.

Her wiha Navenda Trafîkê yê girêdayî Hêzên Ewlehiya Hundirîn a bajar û gundewarên Reqayê, ji bo rê li ber qezayan bigire gelek biryarên nû dan. Du navend li gundewarên Reqayê li Hezîme û El-Kalita girêdayî Navenda Trafîkê ya Giştî ya Reqayê hatin vekirin. Tê payîn ku di mehên bê de navendên din jî bên vekirin.

Di her navendekê de gelek beş hene: Beşa belgeyên kontrolkirinê, beşa kontrolkirina muxelefeyan û beşa dewriyeyên trafîkê.

Li gorî rêveberiyên trafîkê, sedema piraniya qezayan, ajotina erebeyan ji hêla ajpkarên ecemî ve, erebeyên mirêsdarî (mifeyem) û her wiha rawestandina erebeyan a ne bi rêk û pêk li ser rêyan e.

Têkildarî mijarê endamê rêveber ê Navenda Trafîkê Ehmed Esaf diyar kir ku li bajêr heftane 10 qezayên trafîkê rûdidin.

Her wiha Ehmed destnîşan kir ku li gorî muxelefeyê ceza tê birîn û ev ceza ji bo birêxistinkirina tevgera trafîkê û mîsogerkirina neajotina erebe û motoran ji aliyê ciwanên ku temenê wan di bin 18 saliyê ve tên girtin.

Endamê rêveber ê Navenda Trafîkê Ehmed Esaf bang li şêniyan kir ku alîkariya asayîşa trafîkê bikin û nehêlin ku ciwanên di bin 18 saliyê de wesayîtan biajon û bi taybet motoran.

Ji destpêka rizgakirina Reqayê ji hêla QSD'ê ve ji çeteyên DAIŞ'ê, Meclisa Sivîl a Reqayê û saziyên girêdayî wê ji bo xizmeta welatiyan bê navber dixebitin.

(şx/ew)

ANHA