Çalakiyên hefteya çandê îro li Ehrisê bû

Çalakiyên hefteya çandê ya ku ji aliyê Tevgera Kevana Zêrîn a Kantona Efrînê ve hatiye organîzekirin di roja duyemîn de didome. Di çaroveyê de şahiyek li navçeya Ehrisê bi amabûna bi sedan kesî ve hate lidarxistin.

ÇAND Û HUNER

31 tîrmeh, 2018 18:10

ŞEHBA

Tevgera Kevana Zêrîn a Kantona Efrînê di çarçoveya çalakiyên hefteya çandê ku li kantona Şehbayê û navçeya Şêrawa ya Efrînê de daye organîzekirin de şahiyek li navçeya Ehrisê ya kantona Şehbayê li dar xist.

Cihê şahiyê bi posterên Rêberê Gelê Kurd Abdullah Ocalan, al û sembolên şorşea Bakurê Sûriyê û alavên kevin hatibûn xemilandin.

Piştî rêzgirtinê, Rêveber Tevgera Kevana Zêrîn Rûmet Beko axivî û anî ziman ku çalakî wekî bersivdayîna binpêkirinên dagirkeran ên li dijî çanda gelê herêmê û tekezî li ser girêdana bi çanda gelê Efrînê ve tê organîzekirin.

Piştre jî, Koma Şehîd Silava ya Stranan, li gel dengê def û zirniyê stranên ji kevneşopiya Efrînê û yên şoreşgerî û Koma Viyan Soran dîlan pêşkêş kirin.

Di şahiyê de, şanoya bi navê "Dil û Mejî" û stranên şoreşgerî yên koma "Serdem" a zarokan hate pêşkêşkirin.

Şahî bi xelekên dîlanan li gel stranên şoreşgerî bi dawî bû.

ANHA