Yekitiya Jinên Ciwan hemleya ‘Serî hilde’ berdewam dikin

QAMIŞLO

Tevgera Jinên Ciwan daxuyaniyek ji raya giştî re parve kir. Daxuyanî ji aliyê rêvebera Yekitiya Jinên Ciwan Medya Nimet veli pêşiya Navenda Şehîd Bewer a Yekitiya Ciwanên Rojava hate xwendin.

Daxuyaniya YJC`ê wiha ye:

“Ji beriya bi dehan salan ve gelê kurd li Kurdistanê bi serkêşiya dewleta tirk a dagireker di bin qirkirineke nîjadperestî de ye. Lê niha jî dewleta tirk a dagirker êrîşên xwe li ser Efrînê jî berdewam dike û ne tenê gelên herêmê armanc digire lê belê hemû gelên ku li heremê dijîn, armanc digire.

Rastiya AKP`ê di kiryarên ku li ser gelên herêmê dihate meşandin de mîna qirkirina gelê kurd û meşandina hemû rêbazên hovane, lê bi rojan re kiryarên dewleta tirk a dagirker bi taybet li ser jinên kurd jî zêde bûye.

Artêşa tirk a dagirerk dest bi êrîşan li ser başûrê Kurdistanê kir û malên ku welatiyên sivîl lê dijîn, topebaran kir. Em jî van kiryarên hovane yên li ser  erd û gelê me li Kurdistanê tê meşandin şermezar dikin û bang li gelê başûrê Kurdistanê dikin da ku li hemberî dagirkeriya dewleta tirk û çeteyên wê serî hildin û nehêlin dagirker derbasî erdê başûrê Kurdistanê bibin.

Armanca dewleta tirk a dagirker ew e ku hemû Kurdistanê dagir bike û demografyaya herêmê bide guherandin,  wekî ku çawa li Efrînê jî ev guhertin pêk anîn. Her wiha armanca wan kuştin û koçberkirina sivîlan e.”

Di dawiyê  pêwîste têkoşîn li hemberî çeteyên dewleta tirk a dagirker were bilindkirin û di bin slogana “Serî hilde” de seferberiya giştî were ragihandin hetanî Rojava û Bakurê Sûriyeyê ji dagirkeran were rizgarkirin.

(ekîb)

ANHA