Ruxmî kêm derfetan lê karkerên paqijiyê bi erkên xwe radibin

Ruxmî kêm erebeyên paqijiyê di her sê şaredariyên Hesekê de, lê beşa hawirdorê ya şaredariyan bi erkên xwe radibin.

CIVAK Û JIYAN

10 tîrmeh, 2018 05:50

NESRÎN ELÎ /HESEKÊ

Li bajarê Hesekê di salên destpêkê yên şoreşa Rojava de, ji ber ne bi rêxistinkirin û ne aktîvkirina beşa hawirdorê li Şaredariya Gel a bajêr bi awayekî baş, çanda ne paqijiyê û çop li bajêr belav bûn.

Lê di demên dawiyê de, gelek pêşketin di aliyê paqijiya bajêr de çêbûn. Beşa Hawirdorê ya her sê şaredariyên( rojhilat, rojava û başûr) rojane hemû taxên bajêr paqij dike.

Rojane erebeya paqijiyê ji bilî roja înê, ji saet 8:00'ê sibê heta 15:00'ê di nav bajêr de digere û çopê kom dike.

Welatiyê bi navê Delal Ibrahîm ya ku ji Taxa El-Mifti ye ji ajansa me re axivî û destnîşankir ku hemû karkerên paqijiyê bi erkên xwe radibin û rojane taxên bajêr paqij dikin. Her wiha Delal şêniyên bajêr û bi taybet xwediyên dikanan ji ber ku gemarê davêjin taxan rexne kir.

Derbarê vê mijarê de karkerê paqijiyê Omer Ezîz got ku ew rojane taxan paqij dikin lê hin şênî û xwediyên dikanan bi wan re nabin alîkar.

(şx)

ANHA