Geşedanên dawî ji gelê Helebê re hat nirxandin

TEV-DEM'ê bi civînekê geşedanên siyasî bi taybet rewşa Efrînê ji şêniyên taxa Şêxmqsûd re şîrove kir.

1 tîrmeh, 2018 19:32

HELEB

Civîn li hola Şêxmeqsûd a herêma El-Şiqeyf a Helebê bi beşdarbûna bi sedan şêniyên taxê hat li darxistin. Hola civînê bi pankartên têkoşeran hatibû xemlandin.

Piştî rêzgirtinê, geşedanên dawî ji aliyê rêveberên TEV-DEM'ê yên bajarê Helebê Medya Mihemed û Mihemed Şêxo ve hate şîrovekirin.

Di nirxandinan de, bal hat kişandin li ser komployên li diji pêkhateyên Sûriyê û binpêkirinên dagirkeriya Tirkiyê û çeteyên wê yên li ser kantona Efrînê, hate gotin ku dagirkeriya Tirkiyê bi armanca qirkirinê Efrînê dagirk kirine.

Her wiha hat gotin ku bi berxwedaniya gelan û girêdana wan a bi ax û nasnameya xwe ve wê armancên komplogeran neghêjin serî.

Civîn bi nîqaşên beşdaran derbarê pêvajoyê de û rexneyên wan û bi bersîva pirsan bi dawî bû. Şêniyan tekez kirin ku ew piştgiriya xwe ya ji bo Efrînê berdewam bikin û gotin ku ew ê li hember hemû êrîşan li ser herêmên Bakurê Sûriyê bisekinin.

(şx)

ANHA