Gelê Hesekê li hemberî dagirkeriyê bertek nîşan dan

Bi sedan şêniyên bajarê Hesekê li dijî êrîşên dewleta Tirk a dagirker ên li ser Başûrê Kurdistsanê û binpêkirinên li Bakurê Sûriyê daketin qadan.

23 hezîran, 2018 20:02

HESEKÊ

Bi sedan welatiyên bajarê Hesekê, li dijî êrîşên dagikeriya Tirkiyê yên li ser Başûrê Kurdistanê û binpêkirinên wê yên li Bakurê Sûriyê meşek li dar xistin.

Meş ji Çerxeriya Sînalko ya taxa Til Hecer ber bi çerxeriya Şehîd Serhed a taxa Miftî dest pê kir.

Meşvanan, pankartên "Ji dagirkeriya Tirkiyê li Efrînê re na, Berxewdan Jiyan e û Em dagirkeriya Tirkiyê li ser xaka xwe qebûl nakin" bi zimanê Kurdî, Erebî, Suryanî vekirin û alên YPJ, YPG û QSD'ê hilda bûn, her wiha bê navber dirûşme qîr dikirin.

Meş li çerxeriya Şehîd Serhed veguherî mîtîngê, li deqeyeke rêz hate kirin. Bi nave Hevserokatiya Kantona Hesekê Semer Ebdullah axivî û got ku ku dewleta Tirk a dagirker li Efrînê kiryarên herî hovane li dijî sivîlan pêk anîn, gelê Efîrnê jî li hemberî duyemîn hêz di NATO'yê de destanên qehremaniyê rêsandin, berxwedanî berdewam e ta serkeftinê.

Çalakî bi dirûşmeyên şermezarkirina dagirkeran û dilsoziya bi şehîdan re bi dawî bû.

ANHA