′Qendîl li hemberî Erdogan û leşkerên wî asê ye′

NAVENDA NÛÇEYAN

Yekitiya Lîberal a Kurdistanê têkildarî êrîşên artêşa tirk a dagirker û çeteyên wê yên li ser Efrîn û Qendîlê daxuyaniyek da.

Daxuyanî wiha ye:

"Daxuyanî ji bo raya giştî;

Hemû kiryarên artêşa tirk a dagirker û çeteyên wê li Efrînê û xewnên wê yên nexweş ji her kesî re diyar bûne. Ji destpêkê ve Dewleta Osmanî gel dixistin bin dagirkeriya xwe. Her tiştê herêmê didizî û ber bi herêma xwe ya bi navê Împaratoriya Osmanî ve dibir ku li hemberî berxwedan û şoreşa gelan bi bin ket.

Heta ku ew dewletên mezin ên mîna Fransa, Îngilistan ji aliyekî ve û ji aliyê din ve jî Rûsya ew parçe kir. Yên ku ji bo avakirina dewleta tirkî a şovenîst li ser berjewendiyên gelê herêmê wekî yewnan û ermen û gelê kurd bi taybet çavên xwe girtin.

Her tim dewleta dagirker komkujî li ser gelê Anatolyayê pêk dianî. Herî dawî jî ji xwe re derfet li ser berjewendiyên herêmî û navdewletî dît û destwerdana Sûriyeyê kir û gelek bajarên wê, herî dawî jî Efrîn dagir kir. Dewleta tirk a dagirker bi hinceta ku şerê terorê dike êrîşên xwe pêk tîne.

Paşê Erdoganê faşîst got ku dê berê xwe bide çiyayaê Qendîlê. Em wek Yekitiya Lîberal a Kurdistanê êrîşên artêşa tirk a dagirker û çeteyên wê yên li ser Efrînê şermezar dikin.

Her wiha em bang li civaka navdewletî û NY`yê dikin ku bi rêya Konseya Ewlehiyê zextê li Tirkiyeyê bikin da ku hêzên xwe yên ku gelê Efrînê dikuje, neçarî koçberiyê dike û mal û milkên wan talan dike, vekişîne.

Her wiha em bang dikin ku êrîşên li ser başûrê Kurdistanê û avakirina baregehên leşkerî beranberî çiyayên Qedîlê rawestîne.

Em li gorî wê hêviyê ne ku dê lehengên çiya gerîla û fermandarên şoreşê li hemberî hemleya dagirkeran bi ser bikevin. Çiyayê Qendîlê li hemberî dîktatorê serdemê Erdogan û leşkerên wî asê ye. Em bang li hikumeta Iraqê û Herêma Başûrê Kurdistanê dikin ku li hemberî êrîşên dagirkeran parastina gel û axa xwe bikin."

(bx)

ANHA