Sersaxî ji malbata têkoşer Şam Hesekê re hate xwestin

Sedan kesî sersaxî ji malbata şervanê YPG‘ê Suhêl El-Ehmed bi nasnav Şam Hesekê re yê ku 6‘ê Hezêranê di Pêngava Bagera Cizîrê de şehîd bûn, xwestin.

NÛÇE

9 hezîran, 2018 14:37

QAMIŞLO

Meclîsa Malbatên Şehîdan a navçeya Til Birak a girêdayî kantona Qamişlo ji bo şervanê YPG‘ê Suhêl El-Ehmed konê taziyê li ber mala wî ya li gundê Simêhan a girêdayî navçeyê danî.

Sedan şêniyên navçeyê, şervanên YPG û YPJ‘ê û hevalên şehîd, her wiha şandeyek Meclîsa Malbatên Şehîdan a bajarê Qamişlo sersaxî ji malbata şehîd re xwestin.

Kon bi wêneyên şehîd, alên QSD, Kongreya Star û YPG û YPJ‘ê hatibûn xemilandin.

Li vir merasîmeke hate lidarxisitn û bi turaneke leşkerî ji aliyê şervanên YPJ û YPG‘ê ve destpê kir. Paşê axaftin ji aliyê Rêveberê TEV-DEM‘ê yên navçeya Til Birak Yûsif Kotê, Rêvebera Kongreya Star Hacer El-Hisên ve, Hevserokkê Meclîsa Navçeya Til Birak Mihemed Elî û Şervanê QSD‘ê Şervan Xibatbî ve hatin kirin.

Kesên axivîne sersaxî ji malbata şehîd re xwest û gotin şehîd Suhêl şehîdê biratiya gelan e û soza damandina xeta şehîdan dan.

Piştî axaftinan, nasnameya şehîd Suhêl El-Ehmed hate xwendin û radestî malbata wî hate kirin.

Merasîm bi dirûşmeyên silavkirina berxwedana QSD‘ê bi dawî bû.

(bb)

ANHA