YPG'ê nasnameya sê şehîdên Bagera Cizîrê eşkere kir

Navenda Ragîhandina YPG'ê bi daxuyaniyekê nasnameya sê şervanên di Bagera Cizîrê de şehîd bûn, eşkere kir.

NÛÇE

9 hezîran, 2018 12:05

NAVENDAN NÛÇEYAN

Daxuyaniya Navenda Ragîhandina YPG'ê ku li ser malpera fermî hate weşandin wihaye:

"Pêngava Bagera Cizîrê ya qonaxa temamkirina rizgarkirina gundewarên başûr-rojhilatê Hesekê bi pêşveçûnên şervanên Hêzên Sûriye ya Demokratîk (QSD) ku hêzên me YPG-YPJ jî di vê pêngavê de cihê xwe digrin, bi hemû leza xwe didome. Di vê qonaxa duyemîn de piştî şerên dijwar yên di navbera hêzên me û çeteyên DAIŞ’ê qewimîn de 6 gund hatin rizgarkirin û derbên giran li çeteyan hate dayîn. Hebûna çeteyên DAIŞ’ê a li vê herêmê ber bi tunebûyinê ve diçe.

Di navbera dîroka 27’ê Gulanê û 7’ê Puşperê de gundên ku hatin rizgarkirin de pevçûnên giran di navbera şervanên me û çeteyên DAIŞ’ê de derket. Rêhevalên me Elîşêr, Esîr û Şam Hesekê li dijî çeteyên DAIŞ’ê bi lehengî şer kirin û tevlî karwanên şehîdan bûn.

Em her sê rêhevalên me ku li Dêrazorê şehîd bûn bi rêzdarî bibîr tînin û em soza ku tekoşîna me ya azadiyê bi serkeftinê re tacîdar bikin heya dawî têbikoşin careke din nû dikin.

Nasnameyên pakrewanan wiha ye:

Nasnav: Elîşêr

Nav û Paşnav: Selman Mihemed

Navê Dayikê: Xerma

Navê Bav: Ebîd

Cihê Ji Dayikbûnê: Hesekê

Cih û Dîroka Şehadetê: Dêrazor / 7 Puşper 2018

=====

Nasnav: Esîr

Nav û Paşnav: Mihemed Abud

Navê Dayikê: Fewziye

Navê Bav: Kamil