Şaredariya Til Koçer pîlana salane lêkolîn dike

KELSÛMA ELÎ / QAMIŞLO

Şaredariya Gel a navçeya Til Koçber a kantona Qamişlo kar û xebatên rojane dimeşîne û toreyên binesaziyê fireh dike. Navçeya Til Koçber ji aliyê şaredariyên berê  ve dihate paşguhkirin. Binesaziya wê ji ber kiriyarên çeteyên DAIŞ`ê  xirab bû. Ji ber vê yekê pêwîste pirojeyek salane were dayîn.

Rakirina berhmahiyên şer

Di dema ku navçeya Til Koçer û gundewarên wê di bin dagikeriya çeteyên DAIŞ`ê de bû. Çeteyan hemû pirên li navçeyê  rûxandin, bi vê yekê da ku rê li pêşketina şervanên YPJ/YPG`ê bigirin. Piştî ku navçe û gundewarên wê ji çeteyan hate rizgarkirin şêniyên  navçeyê rastî gelek zehmetiyan hatin û gelek zehmetî didîtin. Li ser vê esasê şaredariyê dest bi pirojeya xwe ya salane kir û  pir bi buhaya 23 miliyon LS sererast kir.  

Li ser xwesteka komînên gundê Taş Xerbî û Taş Şerqî yên dikevin başûrê navçeyê dest bi sererastkirina pira nêzî herdû gundan a ku ji ber ava baranê xirab bû, kir.

Ji aliyekî din ve jî şaredariyê hemû berhmayên şer ji navçeyê rakir û zemîna erdê rast kir da ku daran lê biçînin.

Xurtkirin û fireh kirina toreyên kenaslîzasiyonê

Sererastkirin û firehkirina toreyên kenalîzasiyonê di hundirê navçeyê  û gundewarên wê de yek ji kar û xebatên di nava pirojeyên şaredariyê yên salê de ne. Di vê çarçoveyê de şaredariyê pirojeya sererastkirina toreyên kenalîzasiyonê li komîna Şehîd Demhat a dikeve navenda navçeyê bi dirêjahiya  hezar û 375 M û bi buhaya 15 miliyon  LS bidawî kir.  Ev piroje xizmeta zêdeyî 240 malî dike.  Ji aliyekî din ve jî li komîna Şehîd Evîn rêgarên kevin hatin guhertin û paqijkirin.

Li gundewarên navçeyê jî şaredariyê li ser xwesteka şêniyên gundê El-Mehmûdiyê hindek kenalîzasiyonên ne rêxistin kirî yên ku xeterî li ser jiyana şêniyan çêdir û ji ber wan nexweşî belav dibûn, girt.

Kar û xebatên rojane yên ku aliyê xizmetê xurt dike

Komîte û beşên şaredariyê rojane gelek xizmetan ji şêniyan re pêşkêş dikin. Werşeyên paqijiyê çopê kom dikin û ber bi cihê komkirina çopê ve dibin. Her wiha komîteya Zabîtê sûkên li bajar rêxistin dike û buha madeyan dişopîne. Komîteya Parastina Welatiyan derfet nade bazirganan ku madeyan buha bike û madeyên dem bûrî digre.

Girêdayî mijarê yek ji rêveberên Beşê Fenî yê şaraderiya Gel a navçeya Til Koçer Ebid Salih El-Miflih tekez kir ku wan ji desteya Şaredariyan re gelek pirojeyên xizmetguzariyê pêşkêş kirine.

(bx)

ANHA