Amarîka ji bo binpêkirina agirbestê hişyarî da rêjîma Sûriyeyê

NAVENDA NÛÇEYAN

Emerîka duh roja Înê hişyarî da ku dê "tedbîr û bersivên hişk û guncaw" li hemberî binpêkirina abirbesta li bakurrojavayê Sûriyeyê bistîne û got ku li gorî raporên ku dibêjin çalakiyeke leşkerî li herêmeke kêmpevçûn a bakurrojavayê welat nêzîk bûye, xemgîn e.

Waşintonê her wiha hişyarî da serokê rêjîma Sûriyeyê Beşar El-Esed da ku qada şer firehtir neke.

Berdevkar Wezareta Karên Derve ya Emerîka Heather Nauert di daxuyaniyekê de wiha got: "Emerîka dê tedbîr û bersivên guncaw li hemberî binpêkirina rêjîma El-Esed werbigire."

Navenda Çavdêriya Mafên Mirovan a Sûriyeyê ragihand ku hêzên rêjîma Sûriyeyê piştî ku li başûrê Dîmeşqê serkeftinek bi dest xwe ve anîn niha ber bi başûrê welat û parêzgeha Deraayê ve diçe.

Çapemeniya girêdayî rêjîma Sûriyeyê jî ragihand ku balefirên Sûriyeyê belavok bi ser herêma Deraayê ve barandin û têde bang li leşkerên opozîsyonê dike ku dest ji çekên xwe berdin.

Li gorî rojnameya El-Ereb hemû nîşande eşkere dikin ku başûrê Sûriyeyê armanca duyemîn a rêjîma Sûriyeyê ye piştî ku Dîmeşq û derdora wê bi dest xwe ve anîn. Li aliyekî din rêjîma Sûriyeyê hêzên xwe yên leşkerî zêde ber bi başûr ve dişîne.