Cenazeyê şehîd Hemûdî Kobanê hat oxirkirin

Bi sedan şêniyên Kantona Kobanê cenazeyê şervanê Meclîsa Leşkerî ya Minbicê Hemûdî Kobanê li goristana Şehîd Dicle oxir kirin.

NÛÇE

9 gulan, 2018 16:11

KOBANÊ

Girseya gel, cenazeyê şervanê Meclîsa Leşkerî ya Minbicê Hemûdî Bekir (Hemûdî Kobanê) ku li bajarê Minbicê dema li ser erkê xwe bû şehîd bûye, wergirtin û ber bi goristana Şehîd Dicle oxir kirin. Di merasîma oxirkirinê de nûnerên Rêveberiya Xweser, TEV-DEM, Hêzên Ewlehiya Hundirîn a Minbicê, YPG/YPJ′ê û bi sedan şêniyên Minbicê û Kobanê amade bûn.

Li goristanê merasîm bi deqeyek rêz û toraneke leşkerî dest pê kir. Piştre bi navê Meclîsa Malbatên Şehîdan Silêman Silêman û Fermandarê Meclîsa Leşkerî ya Minbicê Yelmaz Minbic axivîn, sersaxî ji malbata şehîd re xwestin û soza şopandina riya şehîdên azadiyê dan. Her wiha banga bilindkirina têkoşîna li dijî terorê kirin.

Piştî axaftinan nasnameya şehîd hat xwendin, radestî malbata wî hat kirin û cenazeyê wî li goristanê di nava dirûşmeyên ″Şehîd namirin″ de hat veşartin.

(mm)

ANHA