Gelê Tebqayê cenazeyê şehîd Rakan spartin axê

Şêniyên Tebqayê cenazeyê Endamê Hêzên Ewlehiya Hundirîn Rakan Dîmork l goristana şehîdan a Tebqayê oxir kirin.

NÛÇE

5 gulan, 2018 15:03

TEBQA

Girseya gel cenazeyê Rakan Dîmork (Rakan Tebqa) ji nexwşxaneya Wetenî ya Tebqayê wergirtin û ber bi goristana şehîdan a Tebqayê ve ketin rê.

Li goristanê merasîma oxirkirinê bi deqeyek rêz û toraneke leşkerî dest pê kir. Piştre Hevseroka Rêveberiya Sivîl a Tebqayê Kefaa Sincar axivî, sersaxî ji malbata şehîd re xwest û soza şopandina riya têkoşerên azadiyê da. Kefaa wiha got, ″Bi saya fedekariya şehîdan, gelê bajarê Tebqayê amadekariya salvegera rizgarkirina Tebqayê dikin.″

Her wiha Endama Rêveberiya Karûbarên Malbatên Şehîdan Ibtîsam Ibrahîm û Hevseroka Meclîsa Rêveber a Tebqayê Hind Elî axivîn, sersaxî ji malbata şehîd re xwestin, şehîdên 6′ê Gulanê bi bîr anîn û diyar kirin ku dewleta Tirk daye ser riya bav û kalên xwe yên Osmanî û gel di komkujiyan re derbas dike.

Di dawiyê de nasnameya şehîd hat xwendin, radestî malbata wî hat kirin û cenazeyê wî li goristanê di nava dirûşmeyên ″Şehîd namirin″ de hat veşartin.

(mm)

ANHA