Gelê Helebê cenazeyê şehîd Serbest oxir kirin

Bi hezaran şêniyên taxa Şêxmeqsûd a Helebê cenazeyê şehîd Serbest ku dema li ser erka xwe bû şehîd bûye oxir kirin. Her wiha Meclîsa Malbatên Şehîdan nasnameyên 3 şehîdên Berxwedana Serdemê oxir kirin.

NÛÇE

2 gulan, 2018 18:47

HELEB

Girseya gel û endamên saziyên sivîl cenazeyê şervanê YPG′ê Umer Ebo (Serbest Heleb) ji nexweşxaneya Yasîn Yasîn wergirtin û ber bi goristana gundê Nebo ya li taxa Şiqêf ve ketin rê.

Li goristanê merasîma oxirkirinê bi deqeyek rêz û toraneke leşkerî dest pê kir. Piştre Fermandarê YPG′ê Ferhad Kobanê, bi navê Kongreya Star Semîra Şêx, bi navê Hevdîtina Olan Şêx Yehya Mehmûd û bi navê malbatên şehîdan Zelîxe Qember axivîn. Axêveran sersaxî ji malbata şehîd re xwestin û soza domandina têkoşînê dan.

Piştî axaftinan, nasnameya şehîd Serbest hat xwendin, her wiha Meclîsa Malbatên Şehîdan nasnameyên 3 şehîdên Berxwedana Serdemê ″şervana YPJ′ê Sêvîn Çolaq (Avaşîn Dunya), şervana YPG′ê Canşêr Heleb û endamê Hêzên Erka Xweparastinê Riyad Erneb″ eşkere kirin. Nasnameyên cangoriyan radestî malbatên wan hatin kirin.

Di dawiyê de cenazeyê şehîd Serbest li goristanê hat veşartin.

(mm)

ANHA