Bi merasîmekê nasnemeya gerîlayê HPG‘ê hate eşkerekirin

Meclîsa Malbatên Şehîdan a herêma Qamişlo, nasnameya gerîlayekî HPG‘ê ku li herêmên Parastina Medyayê şehîd bû bi merasîmekê, eşkere kir.

16 nîsan, 2018 12:45

QAMIŞLO

Gerîlayê HPG‘ê Tengezar Mihemed Cubeyer (Ekrem) li dijî êrîşên artêşa Tirk a dagirker li herêma Garê ya herêmên parastina Medeya sala 1997‘an de şehîd bû. Meclîsa Malbatên Şehîdan a herêma Qamişlo bi aramca îlankirina nasnameya şehîd, merasîmeke li darxist.

Merasîm mala şehîd Tengezar a li taxa Kornêş a bajarê Qamişlo bi amadebûna bi sedan welatiyan hate lidarxistin.

Merasîm bi turaneke leşkerî ji aliyê şervanên YPG û YPJ‘ê ve dest pê kir. Endamê Rêveber ê Mclîsa Malbatên Şehîdan a herêma Qamişlo, Fedekar Botan hemû cangoriyên azadiyê bi bîr anî û got, "Em bejna xwe li hemberî şehîndan ditewînin."

Fedekar Botan, anî ziman ku gelê Kurd evîdarê azadî û aşîtiyê ye, dewletên dictator li hemberî wan siyasetên qirkirinê meşand.

Di merasînê de, her wiha ji şervanên YPG‘ê Sîdar Amed axivî û soza mezinkirina têkoşînê da.

Di dawiya merasîmê de, wesîqeta şehadetê hate xwendin û radestî malbata wî hate kirin.

(bb)

ANHA