Zarokên şehîdên Minbicê hatin xelatkirin

MINBIC

Şahî li salona El-Beraîm a rojavayê bajarê Minbicê hate lidarxistin. Salona şahiyê bi wêneyên şehîdan û ala Saziya Malbatên Şehîdan hate xemilandin. 

Hevserokên Meclîsa Zagonsaz Farûq El-Maşî, Nezîf Xelo, Serokê Partiya Pêşerojê ya Sûriyê Îbrahîm El-Qeftan, fermandarên Meclîsa Leşkerî ya Minbicê û bi dehan zarok û malbatên şehîdan beşdarî şahiyê bûn.

Şahî bi rêzgitin destpê kir. Paşê, Hevseroka Meclîsa Malbatên Şehîdan Xanim Îbrahîm axivî û di axaftina xwe de tekez kir ku zarok nivşên pêşerojê ne ji ber vê yekê pêwîste ew xwedî li wan derkevin û wiha pêde çû,"Pêwîste em girîngiyê bidin zarokên xwe ji bo ku karibin di rojên pêşde li gorî berpirsiyariyê bin û parastina axa welatên xwe bikin."

Her wiha Xanim got ku şehîdên wan ji bo ku axa welatê xwe û gelê xwe rizgar bikin canê xwe feda kirin ji ber vê yekê xwedî derketina li keda wan erka wan e û ev tişt got "Şehîdên me pêşeroja welatekî azad ronî dikin."

Paşê zaroka bi navê Hezar El-Hesen keça şehîd Xelîl El-Hesen axivî û ev tişt anî zimanʺ "Şoreşgerên Minibicê ji bo me cihê şehnaziyê ne. Bajarê Minbicê bi xwîna şehîdan hate avdan û zarokên Minbicê jî wê li ser  rêya şehîdan bimeşin.ʺ

Paşê Hevserokê Meclîsa Zagonsaz a Rêveberiya Sivîl a Demokratîk Farûq El-Maş wiha axivî "Şehîdên me efsaneyên lehengiyê nivîsandin. Şehîdên me roniya riya me ne. Em bi rêzgritn li hember hemû dayik û hejînên şehîdan bejna xwe ditewînin."

Her wiha di şahiyê de Fermandarê Giştî yê Meclîsa Leşkerî ya Minbicê Mihemed Ebû Adil axivî û got "Bi saya şehîdan bajarê Minbicê ji çeteyan rizgar bû."

Ebû Adil tekez kir ku ew ê heta dawiyê li hember hemû êrîşên dagirkeran li ber xwe bidin û tu carî derfet nadin dewleta Tirk a dagirker û çeteyên wê ku derbasî xaka Minbicê bibin.

Paşê Endama Meclîsa Jin a Rêveberiya Sivîl a Demokratîk a bajarê Minbicê Hêvîn Mihemed û zaroka bi navê Rîman El-Îdo stran gotin û her wiha koma Eciyal El-Musteqbel dîlanên filoklorî pêşkeş kirin.

Di dawiyê de xelat li zarokên şehîdan hatin belavkirin.

(bx)

ANHA