‘Efrînê wê bi saya şehîdan were birêve birin, ne ji aliyê kesên xayîn ve’

SOZDAR XELÎL/HESEKÊ

Dewleta Tirk a dagirker piştî dagirkirina Efrînê, ji bo rewakirina dagirkirina xwe û veşartina kiryarên xwe yên dijî mirovahî,  li Dîlokê meclîsek di bin navêʺRêveberiya  Efrînêʺ de ava kir. Balkêş e ku di meclîsê de hinek endamên ENKS'ê jî di nava meclîsê de hene.

Derbarê mijarê, malbatên şehîdan ên bajarê Serêkaniyê helwesta xwe nîşan dan û diyar kirin ku ew ê tu carî meclîsa  xayînan qebûl nekin û ew wekî malbatên şehîdan rê nadin tu kas ji derve  gelê Efrînê yê resen rêveberiya Efrînê bike.

Zelîxa Elî: Ev kesên ku cihê xwe di nava ʺmeclîsa xayînanʺ de girtine, ji bilî talan, kuştin, koçberî, wêranî, destirêjî û hwd, neanîn Efrînê. Em wekî dayîkên şehîdan tu carî vê meclîsê qebûl nakin.

Gozê Silêman: Kesên ku rê dan Peykerê Kawayê Hesinkar birûxinin û zimanê Tirkî di dibistanan de were dayîn, ev kes ne Kurd in van kesan welat firotin û îxanet bi gelê Kurd re kirin. Em wan qebûl nakin, em ê hesab ji wan bixwazin.

Rûbar Silêman:Gelo kesên ku di komkujiyên li ser Efrînê de şirîk bûn, wê çawa Efrînê rêve bibin?. Em ê bi saya şehîdên xwe Efrînê rêve bibin. Em qebûl nakin kesên xayîn werin rêveberiya Efrînê bikin.

(kc)

ANHA