Li Minbicê bi çandina daran rojbûna Ocalan hate pîrozkirin

MINBIC

Endamên saziyên sivîl û leşkerî yên bajarê Minbicê û bi sedan şêniyên bajarê Minbicê tevlî şahiyê bûn. Şahî bi rêzgirtin destpê kir. Paşê, bi navê Meclîsa Malbatên Şehîdan Hesna El-Zahir û bi navê Komîteya Jinên Ciwan Meryem El-Xelîf axaftin hatin kirin.

Di axaftinana de rojbûna Rêberê Gelê Kurd Abdullah Ocalan li hemû gelê azadîxwaz hate pîrozkirin. Di axaftina Hesna El-Zahir ev tişt hate gotin"Ocalan ji bo azadî û rizgarkirina hemû gelan têdikoşe. Bi saya fikir û felesefya Rêber Ocalan riya azadiyê ji hemû gelan ronî bû."

Ji aliyê xwe ve Meryem El-Xelîf berxwedan û tekoşîna Rêber Ocalan di girtîgeha Îmralî de silav kir û wiha pê de çû, "Dewleta Tirk hemû kiriyarên ne mirovî li hember Rêber Ocalan bikar tîne. Lê tevî wê jî gelê herêmê bi fikir û felsefeya Rêber Ocalan ve hatin girêdan û hemû jinan di riya fikir û felsefeya wî hebûna xwe îsbat kirin û rola xwe di nava civakê de tekez kirin."

Meryem di dawiyê de soza berdewamiya tekoşîn û berxwedanê heta rizgarkirina Rêber Ocalan û jiyaneke azad, da.

Paşê Endama Meclîsa Jinan stran li ser Rêberê Gelê Kurd Abdullah Ocalan, Berxwedana Serdemê û yekîtiya gelê Bakurê Sûriyê got.

Şahî bi çandina daran bi dawî bû.

(bx)

ANHA