12 Partiyan xwest buhayê mazotê were sererastkirin

Li Bakûr û Rojhilatê Suriyeyê çend roj beriya niha buhayê lîtreyek mazota ku li benzînxaneyan tê firotin (mazota hur), ji 4 hezar lireyê Suriyê derket 6 hezar û 200 lîre. Ev jî di nava de bû sedema rexneyan û tê xwestin ku sedema wê eşkerekirin. 

Heta niha Rêveberiya Xweser têkildarî mijarê daxuyaniyek an jî agahdariyek fermî nedaye.

Li aliyê din 12 partî û rêxistinan bi daxuyaniyek nivîskî bang li rêveberiya xweser kir.

Di daxuyaniyê de hat diyarkirin ku buhabûna mazotê rewşa jiyanî ya gelê Bakûr û Rojhilatê Suriyeyê giran dike, her wiha di nava gel û rêveberiyê de valahiyê derdixîne û baweriya li hemberî saziyan kêm bike.

Di berdewama daxuyaniyê de buhabûna mazotê hat rexnekirin û ji rêveberiyê hat xwestin ku çareseriyên ku barê welatiyan giran neke peyda bike.

Partiyên ku daxuyanî îmze kirine.  

- Partiya Demokrat a Kurd li Sûriyeyê (PDK-S)

 - Partiya Yekîtiya Demokrat a Kurd li Sûriyeyê (Yekîtî)

- Partiya Çep a Demokrat a Kurd li Sûriyeyê.

- Partiya Demokrat a Pêşverû ya Kurd li Sûriyeyê.

- Partiya Lihevhatina Demokratîk a Kurdî ya Sûriyeyê.

- Yekîtiya Karkerên Kurdistanê.

- Partiya Roj a Demokrat a Kurd li Sûriyeyê.

- Partiya Aştiya Demokrat a Kurdistanê.

- Partiya Guhertina Demokratîk a Kurdistanê.

- Tevgera Azadî ya Kurdistanê li Sûriyeyê.

- Tevgera Xwebûn.

- Partiya Azadî ya Kurdistana Azad

(sb/a)

ANHA