ˊPêkanîna azadiya fîzîkî ya Rêbertî erkê me yeˊ

Bi dirûşma "Bi ruhê ciwanan em ê komployê bi dawî bikin û cenga azadiyê ser bixin" Tevgera Ciwanên Şoreşger a Sûriyeyê ya kantona Efrîn û Şehbayê konferansek li ser têkoşîna ciwanan a ji bo Rêber Abdullah Ocalan li dar xist.

Konferans li hola Desteya Çand û Hunerê ya navçeya Fafînê ya kantona Efrîn û Şehbayê li dar ket. Di konferansê de endamên Tevgera Ciwanên Şoreşger û Yekitiya Jinên Ciwan beşdar bûn.

Endamê Tevgera Ciwanên Şoreşger Fehmî Mihemed û rêvebera Yekitiya Jinên Ciwan Zeyneb Ebdo konferans bi rê ve bir.

Endama rêvebera Desteya Ciwanan û Werzîşê ya kantona Efrîn û Şehbayê Emîne Hac Ebdo perspektîfên Rêber Abdullah Ocalan ên li ser ciwanan û rola wan di avakirina civakê de, maf û erkên wan xwendin.

Piştre hevserokê Meclisa kantona Efrîn û Şehbayê Bekir Elo axivî û got: "Hemû dewlet dixwazin li gorî berjewendiyên xwe yên taybet tev bigerin, lê bi îradeya ciwanan em ê bi ser bikevin."

Piştre ciwanan di nîqaşên xwe de destnîşan kir ku ciwan stûnên şoreşê û hêza dînamîk a civakê ne ku bi wan serkeftin misoger dibe. Ciwanan got pêkanîna azadiya fîzîkî ya Rêber Abdullah Ocalan erkê wan e.

 (mh)

ANHA