Zêdetirî 800 kesayetan ji bo hevdîtina bi Rêber Abdullah Ocalan re îmze dan

Di çarçoveya kampanyaya ˋEz dixwazim bi Ocalan re hevdîtinê bikim" de heta niha zêdetirî 800 kesayetan îmze dane. Têkildarî kampanyayê wê sibe daxuyaniyek bê dayîn.

31 tebax, 2025 09:43

QAMIŞLO

Li Sûriyeyê di 20`ê Tebaxê de dest bi kampanyaya `Ez dixwazim bi Ocalan re hevdîtinê bikim` hate kirin.

Bi sedan pêşengên civakê, siyasetmedar, hiqûqnas, akademisyen, bijîşk, rewşenbîr, serokên eşîr û êlan, çalakvan û oldarên li Herêma Bakur û Rojhilatê Sûriyeyê û herêmên din ên Sûriyeyê (Laziqiyê, Tertûs, Siwêda, Humis, Heleb û Şam) tevl li kampanyayê bûn û daxwaza xwe ya hevdîtina bi Rêber Abdullah Ocalan re anîn ziman.

Li gorî agahiyên ku Berdevkê Înîsiyatîfa Azadiya Rêber Abdullah Ocalan a Sûriyeyê Ferzende Munzur dane me, ji 21-30`ê Tebaxê zêdetirî 800 îmze hatine tomarkirin.

Ferzende Munzur da zanîn ku dê Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê der barê kampanyayê de 1`ê Îlonê (sibe) daxuyaniyekê bidin.

Kampanyaya `Ez dixwazim bi Ocalan re hevdîtinê bikim` ji aliyê Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan ve tê birêxistinkirin.

(sb/fr)

ANHA