‛Xewnên şehîdan pêk hatin’

Şaredariya Gel a bajarê Qamişlo û Meclisa Malbatên Şehîdan salvegera 11’an a Komkujiya Şaredariya Gel a Qamişloyê bi bîr anî û got xewnên şehîdan pêk hatin.

ROJANE

11 adar, 2025 23:09

QAMIŞLO

Çalakî li pêşiya avahiya Şaredariya Gel a bajarê Qamişlo (Otêla Hedaya), bi beşdariya malbatên şehîdan, endamên Şaredariya Gel û nûnerên saziyên sivîl hat lidarxistin.

Di serî de ji bo bibîranîna şehîdan mûm li pêşiya avahiyê hatin pêxistin.

Nûnerê Meclisa Malbatên Şehîdan Ebdulezîz Osman axivî û got: "Ji yekemîn saziyên di çarçoveya Rêveberiya Xweser de hatiye avakirinî, Şaredariya Gel bû. Endamên wê bi hemû hêza xwe û bi awayekî dilxwazî xizmetî bajêr û şoreşê kir. Ez wekî bavê şehîd Fehid soz didim ku rêya kurê xwe bişopînim."

Rêveberê Şaredariya Gel Mesûd Yûsif şehîdên komkujiyê bi bîr anîn û got: "Em hevrêyên xwe yên şehîd bi serbilindî bi bîr tînin. Xewnên wan ên avakirina civakeke demokratîk pêk hatin. Şaredariya Gel xebatên xwe fireh kirin, gelek şaredarî li bajar û bajarokan hatin zêdekirin."

Di 11'ê Adara 2014'an de çeteyên DAIŞ û Cebhet El Nusra komkujiyek li dijî Şaredariya Gel a bajarê Qamişlo pêk anî. Di encamê de bi dehan sivîl şehîd bûn.

(mh/fr)

ANHA