Xelkê Til Temirê sersaxî da malbata şehîd Ebdullah Hemdan

Bi sedan xelkê navçeya Til Temirê ya kantona Cizîrê ya Herêma Bakur û Rojhilatê Sûriyeyê, endamên saziyên civaka sivîl, nûnertên ji partiyên siyasî û bi dehan kesayetên civakî saxî da malbata şervanê QSDˊê Rustem Til Temir. Konê sersaxiyê li gundê Um Îzam ê 25 kîlometre li başûr Til Temirê ye hate vedan.

Şervan Rustem Til Temir di 10ˊê Çileyê de li Til Temirê dema li ser erka xwe bû şehîd bûbû, duh cenazeyê wî li goristana şehîdan a Til Temirê hate veşartin.

Di merasîmê de endamê Meclisa Malbatên Şehîdan a Til Temirê Mihemed Eliyat sersaxî da malbata şehîd Ebdullah Hemdan û wiha got: "Em gotina Rêber Abdullah Ocalan a li ser şehîdan bi bîr tînin û dibêje; em şehîdan xwe naspêrin axê, em dispêrin dilên xwe, her wiha Saknîne Cansiz jî dibêje; Ger tu demokrastiyê dixwazî biçe Îmraliyê û ger tu azadiyê dixwazî li rêya şehîdan binêre."

Li aliyekî din jî yek ji fermandarên Meclisa Leşkerî ya Til Temirê Ronak Tirbespiyê soza şopandina rêça şehîdan û tolhildanê da.

Dûre endama rêvebera Kongra Star a Til Temirê Madlên El Ubêd axivî û wiha got: "Fedakariyên şehîdan îsrar û berxwedana me ya parastina destkeftiyan zêde dikin û sekna me li dijî êrişên dewleta Tirk a dagirker xurt dikin."

Merasîm bi diruşma ˊşehîd namirinˊ bi dawî bû.

(fr)

ANHA