Xelkê Siwêdayê li dijî desthilata Şamê çalakî li dar xist

Li bajarê Siwêdayê xwepêşandan li dijî desthilata Şamê hatin lidarxistin. Di xwepêşandanê de banga avakirina dewleteke nenavendî hat kirin.

ROJANE

6 adar, 2025 15:30

NAVENDA NÛÇEYAN

Li Qada El Kerama ya bajarê Siwêdayê xwepêşandanek girseyê li dijî desthilata Şamê hat lidarxistin.

Xwepêşderan wêneyên şêx Hikmet El Hecerî hildan û pankartên bi nivîsên " Desthilatdariya de fakto..lîstina bi dem û têgehan.. lîstokek aşkere ye ", "Ji El Colanî û ji Îxwanan re na", "El Colanî bi fermana yê reviyaye, azadxwaz qetil kirin", "Hilweşe El Colanî û hikumeta wê ya dagirkera desthilatê", "Ehmed El Şeri ji bo berjewendiyên dewletan li ser hesabê gel pergaleke alternatîf a pergala Esed ava dike" û "Dagirkeriya Osmanî bi hewldanên El Colanî vedigere", "Civaka navneteweyî ji her dilopek xwîna ku li ser xaka Sûriyê tê rijandin berpirsyar e", "Rûsya, Îran û Tirkiye rasterast ji tundiya li Sûriyeyê berpirsyar in" vekirin.

Xwepêşandêran siyasetên dûrxistinê yên desthilata Şamê şermezar kirin û diyar kirin ku biryarên wê Sûriye vedigerîna serdema Baas’ê. Her wiha xwestin dewleteke nenavnedî were avakirin ku mafên hemû pêkhateyan di avakirina biryarê de mîsoger bike û mercên jiyanî werin başkirin.

(bb)

ANHA