Xelkê Şêranê yê Kobanê tabûra Şehîd Dilovan ava kir

Dewleta Tirk a dagirker û çeteyên wê bênavber Bakur û Rojhilatê Sûriyeyê topbaran û bombebaran dikin. Li hember êrişên dagirkeriyê gelên herêmê bersiva banga QSDˋê û Rêveberiya Xweseriya Demokratîk a seferberiyê didin

Îro jî xelkê bajarê Şêranê yê Kobanê ji bo bersivdana banga QSDˋê û Rêveberiya Xweser bi navê Şehîd Dilovan tabûrek ava kir.

Welatiyê ji Şêranê Ehmed Miho Selah têkildarî mijarê li ser nave tabûrê daxuyaniyeke devkî da û got: "Em weke xelkê Şêranê bi navê Şehîd Dilovan tabûreke ji 7 salî heta bi 70 salî  ava dikin û tev li seferberiya giştî dibin. Bila bê bîra wan, çawa ku me di 2014`an de li Kobanê ew têk birin, car din em ê wan têk bibin. Bila ew çeteyên xwe bi ser me de neşînin, em li vir in. Em ê wan têk bibin. Ev axa me û welatê me ye. Em ê bi mal, bi can û rihê xwe li pişta şervanên xwe bin."

Selah wiha berdewamî da gotina xw: "Me çawa pozê DAIŞˋê li kobanê li erdê da, em ê çeteyên girêdayî dewleta Tirk jî wiha bikin. Çi dike bila bike, dibêje em ê Kurdan teva çeka wan têxin bin erdê.  Bav û kalên wan nikarîbûn em tune bikirana, bila Dêrsim bê bîra wan, ku çawa Kurdên me kirin bîran û bêton kirin, lê ew bêton hatin şikandin. Vaye dara azadiyê bilind bûye û em ê teqez bi ser bikevin. Gelê me ne gelê berê ye. Em hene, em ê wan tune bikin."

(sş/fr)

ANHA