Xelata Azadiya Çapemeniyê Cîhanê ji bo rojnamevanên Filistînî hate dayîn

Îsal UNESCO’yê xelata Azadiya Çapemeniyê ya Cîhanê da hemû rojnamevanên Filistînî.

3 gulan, 2024 12:53

NAVENDA NÛÇEYAN

Serokê Jûriya Kedkarên Medyayê yê Navneteweyî Maûrîcîo Weîbelî derbarê mijarê de got: “Di vê pêvajoyê de ku tarîtî û alozî serdest in, em dixwazin peyameke xurt a piştevanî û pîrozkirinê bidin rojnamegerên Filistînî ku tevî şert mercên xirab jî krîza li Filistînê dişopînin.”

Her wiha Weîbelî ev yek jî anîn ziman: “Mirovahî ji ber wêrektî û dilsoziya wan a ji azadiya ragihandinê re minetdarê wan rojnamegeran e.”

Dîrektorê Giştî yê UNESCO’yê Aûdrey Azoûlayî jî bal kişand ser girîngiya seferberiya kolektîf a rojnamegeran a ji bo ku li her derê erk û berpirsiyariyên xwe yên agahiyên sereke û lêkolînê bi cih bînin.

Li gorî Komîteya Parastina Rojnamegeran (CPJ) ku navenda wê li New Yorkê ye, ji 7’ê Cotmehê heya niha ku ev yek destpêka şerê Îsraîl û Hamasê ye 92 jê Filistînî herî kêm 97 rojnameger û kedkarên medyayê hatine kuştin û 16 jî birîndar bûne.