Wezîrê karên derve yê Misirê: Wesifandina koçberkirina filistînî bi dilxwazî ye `dûrî aqilê ye`

Wezîrê karên derve yê Misirê Bedir Ebdulatî di kongreyeke çapemeniyê ya hevbeş de li gel komîserê giştî yê alîkariyê û xebitandina koçberên filistînî (URWA) Philippe Lazzarini wiha axivî: “Ji bo Urdun, Misir û dewletên ereb, koçberkirin xeteke sor e. Merc çi dibe bila bibe, em vê yekê qebûl nakin. Heke birçîbûnek bi destê mirovan çê bibe, wê demê ji bo ku mirov ji axa xwe derkevin. Wê demê bê aqilî ye ku em bêjin, koçberiyeke dilxwazî heye.”

Îsraîlê piştî ku hêzên wê derbasî herêma herî mezin a Xezayê bûn, bang li niştecihên Xezayê kiribû ku koçberî başûr bibin.

Serokwezîrê Îsraîlê Bejemîn Netanyahu piştgiriya fikrê “derketina dilxwazî ya filistiniyan ji Xezayê” kiribû û pêşniyar kiribû ku dewletên din qebûl bike.

Nivîsgeha Netanyahu înê behsa mafê mirov ê bingehîn di diyarkirina cihê ku dixwaze tê de bimîne nemaze di şer de, kiribû.

Wezîrê misirî got wî înê bi şandeyê amerîkî yê taybet Steve Witkoff re bi telefonê axiviye. Li gorî daxuyaniya Wezareta Karên Derve ya Misirê, Ebdulatî bi Steve Witkoff re li ser hewldanên hevbeş ji bo ku agirbest li Xezayê li gorî pêşniyarên şandeyê amerîkî were bidestxistin, axiviye.

(şx)