Wê xwendekar li Rojhilatê Kurdistan û Îranê çalakiyên girseyî li dar bixin 

 Çalakiyên protestoyî yên di 25’ê Kanûna 2025’an de li Rojhilatê Kurdistan û Îranê dest pê kirin berdewam in. Protesto, bi grevên giştî yên xwendekaran didomin.  Xwendekarên 9 zanîngehan ji bo tevlibûna greva giştî ya di navbera 27-28’ê Sibatê de bang kir.

 Zanîngehên bang kirin û saetên çalakiyan wiha ne:

“* Xwendekarên Zanîngeha Allemayê dê saet di 12.00’an de li pêşiya bîrdariyê kom bibin. 

*Kampusa navendî ya Zanîngeha Azad a Şehrîkurd dê saet di 12.00’ê de li Qada Şakayikê kom bibin. 

* Yekeya Zanist û Lêkolînê ya Zanîngeha Azadê dê di 27-28’ê Sibatê (di her du rojan de jî) saet di 12.00’ê de li pêşiya fakûlteyê kom bibin. Heke tevlibûn xurt nebe dê li pêşiya kampusê çalakiya rûniştinê bê lidarxistin. 

* Zanîngeha Azad a Navendî ya Tehranê dê saet di 12.00’ê de li pêşiya avahiya sereke kom bibin. 

* Xwendekarên Zanîngeha Sohanekê dê saet di 12.00’ê de li pêşberî Fakûlteya Sohanek-Hunerê kom bibin. 

* Xwendekarên Zanîngeha Azad a Benderabbasê dê saet di 09.00’ê de kom bibin. 

* Li Fakûlteya Zanistên Tipê ya Zanîngeha Azad a Tehranê dê xwendekar saet di 12.00’ê de li pêşiya Fakûlteya Zanistên Tibî yên Nû û Paramedîk kom bibin. 

* Zanîngeha Azad a Reştê dê saet di 11.00’ê de li pêşiya fakûlteyê kom bibin.