Tedbîrên berfireh ji bo parastina çemê Ceqceq ji qirêjiyê

Desteya Jîngehê ya Rêveberiya Xweseriya Demokratîk a kantona Cizîrê, Desteya Çandiniyê, Şaredariya Gel û Hêzên Ewlekariya Hundirîn bi daxuyaniyekê ragihand ku wan ji bo pêşîgirtina li zêdegaviyên dijî jîngeh, tenduristî û çandiniyê li gundên Uwêce, Reşwaniye, Til Hemîra û hin gundên derdorê tedbîr girtin.

Hevserokê Desteya Jîngehê Mihemed El Ehmê li nêzî çemê bi beşdariya endamên desteyên tenduristî, çandinî û şaredariyê daxuyanî wend. Di daxuyaniyê de hat gotin ku ev zêdegav, piştî rizgarkirina herêmê ji rejîma Baas’ê dest pê kirin û ruxmî hişyariyan hîna deawm dikin û gelek caran ji hêla Nivîsgeha Şopandina Jîngehê ve hatine belgekirin.

Di daxuyaniyê de hat diyarkirin ku di encama gerên çavdêriyê û civînan de biryara xetimandina 2 qenalên avê yên sereke yên li nêzî çerxerêya Sîvan a Qamişlo yên ku diherikin çemê Ceqceq û desteserkirina amûrên avdana bi ava qirêj hat dayîn.

Di berdewama daxuyaniyê de hat destnîşankirin ku eger ev zêdegavî bidomin ew ê nehêlin berhemên çandiniyê yên ji wan gundan derbasî bajar û bajarokên kantonê bibin û cotkaran ceza bikin.

Di dawiya daxuyaniyê de desteyê destnîşan kir ku ew ê hemleyên hişyarkirinê û gerên çavdêriyê bidomînin û di dema pêş de gavên dîtir ji bo çareserkirina van aloziyên jîngehê û çandiniyê bi ava qirêj, bavêjin.

(mh/fr)

ANHA