Sibe Maduro li New Yorkê derdikeve pêşberî dadgeha federal

Serokê Venezuelayê Nicolas Maduro sibe li New Yorkê derdikeve pêşberî dadgeheke federal.

4 ÇILE, 2026 23:58

NAVENDA NÛÇEYAN

Dadgeha federal a li Manhattanê ragihand ku serokê Venezuelayê Nicolas Maduro wê roja duşemê piştî nîvro li pêşberî dadweriya Amerîkî derkeve pêşberî dadgehê.

Li gorî ragihandina Amerîkayê, Maduro li navendeke destgîrkirinê ya federal hatiye bicihkirin heta ku dest bi dozên yasayî yên li dijî wî bikin.

Li gorî agahiyan, Maduro wê bi tohmetên têkildarî bazirganiya madeyên hişber, komployê û sûcên navneteweyî re rû bi rû bimîne, tohmetên ku berê ji hêla Wezareta Dadê ya Dewletên Yekbûyî yên Amerîkayê (DYA) ve di dosyayên dadgehê yên berê de hatine ragihandin. Lê hîna tu hûrguliyên fermî yên tevahî di warê îdîanameya nû yan jî pêvajoyên rûniştina yekem de nehatine weşandin.

Girtin û veguhestina Maduro bo DYAˊyê bû sedema bertekên siyasî û dîplomatîk ên berfireh, û hevalbendên Venezuelayê ew şermezar kirin ku operasyon wekî binpêkirina serweriyê nirxandin. Di heman demê de aliyên din jî ev gav wekî "pêşketinek girîng di dîmena Venezuelayê de" pêşwazî kirin.

(ac/fr)

ANHA