Şêx Murşid El Xeznewî li Qamişloyê semînerek da

Li hola Navenda Mihemed Şêxo ya Qamişloyê bi sernavê ˊNetewe û Olˊ semînerek hat lidarxistin. Di semînerê de xelkê bajêr, endamên saziyên civaka sivîl, partiyên siyasî û endamên Kongreya Îslama Demokratîk beşdar bûn.

Beşdaran bi xêrhatina şêx Murşid Maşûq El Xeznewî kir û got: "Tu bi xêr hatî welatê xwe."

El Xeznewî bal kişand ser fedakariyên şehîdan di Şoreşa 19ˊê Tîrmehê de ku bû sedema ewlehî û îstîqrarê û got: "Bi saya fedakariya hezaran keç û xortên gelê me, em îro vegerîn welatê xwe û ev çalakî li vî cihî hat lidarxistin. Ji ber ku ev cih berî şoreşê li me û gelê me heram bû. Desthilatê tenê ji bo zulm û siyasetan bi kar dianî."

Li ser rastiya îslam û olan El Xeznewî wiha domand: "Peyama îslam û hemû olan aştî û lêborîn e, lê li vir em li beramber pirsgirêka pêkanînê ne. Ev sedema sereke ye ku îro ol ji bo berjewendiyên takakesî û plananan tê bikaranîn."

El Xeznewî diyar kir ku hemû desthilatan ji Umewiyan, Ebasiyan heta bi Osmanî û Sefewiyan ol bi kar anîn. Bo nimûne di mizgeftên Tirkiyeyê de ji bo dagirkirina Efrînê û zora li dijî welatiyan ayinên quranê dihatin xwendin.

El Xeznewî anî ziman ku divê şêx û îmam rola xwe di belavkirina îsala rast de li kêlek doza Kurdî bilîzin.

Piştî 18 salan anku piştî qetilkirina bavê wî ji hêla saziyên ewlehiyê yên hikumeta Şamê, şêx û Dr. Murşid Maşûq El Xeznewî gihaşt Herêma Bakur û Rojhilatê Sûriyeyê.

(fr)

ANHA