Şervanê Meclisa Leşkerî ya Babê hat veşartin

Xelkê kantona Minbicê cenazeyê şervanê Meclisa Leşkerî ya Babê Mihemed Fîras El Casim oxir kir.

ROJANE

24 adar, 2024 16:17

MINBIC

Xelkê kantona Minbic, endamên Rêveberiya Xweseriya Demokratîk a kantonê, deste û saziyên girêdayî wê, Meclisa Malbatên Şehîdan, Meclisa Kombûna Jınan a Zenûbiya, rûspiyên eşîran û endamên partiyên siyasî berê xwe da goristana şehîdan û şervanê Meclisa Leşkerî ya Babê Mihemed Fîras El Casim oxir kir.

Di merasîmê de endama Meclisa Malbatên Şehîdan a Minbicê Yasmîn Berkel axivî û got: "Şehadet û fedakariyên di oxira parastina ewlehî û îstîqrara herêmê de badilhewa naçin û em ê heta pêkanîna armancên şehîdan li ser şopa wan bin."

Yek ji fermandarên Meclisa Leşkerî ya Babê Fîras El Elî axivî û got: "Şehîd lehengê ku di oxira parastina welat, pêkanîna azadî û rûmetê de canê xwe daye. Wî rêya azadiyê ronî kir."

Li aliyekî din jî cîgirê hevserokatiya Meclisa Rêveber a Kantona Minbicê Cuma Heyder axivî û got: "Şehîd rêya me ronî kir. Em jî sozê didin şehîdên xwe ku li dijî her dijminatiyekê li ser welatê me bisekinin."

Merasîm bi xwendina wesîqeya şehîd û radestkirina ji malbatê re bi dawî bû.

(fr)

ANHA