Şêniyên Til Rifetê doza azadiya Rêber Abdullah Ocalan kir

Li kantona Şehbayê bi pêşengiya ciwan û xwendekaran, niştecihên herêmê di çarçoveya pêngava ′Ji Abdullah Ocalan re azadî, ji pirsgirêka Kurd re çareseriya siyasî′ meşeke li dar xist û daxwaza azadiya Rêber Abdullah Ocalan kir.

ROJANE

29 cotmeh, 2023 15:43

ŞEHBA

Tevgera Ciwanên Şoreşger, Yekîtiya Jinên Ciwan û Tevgera Xwendekaran a Efrîn û Şehabyê di çarçoveya pêngava “Ji Rêber Apo re azadî, Ji Pirsgirêka Kurd re Çareseriya Siyasî” de meşek li dar xist. Meş li navçeya Til Rifet a girêdayî kantona Şehbayê hat lidarxistin û tevî xwendekar û ciwanan, şêniyên navçeyê jî beşdarê bûn.

Meşvanên ku ji sûka navçeyê dest bi meşê kir, bênavbera dirûşmeyên mîna “Bê serok jiyan nabe” berz kirin û wêneyên Rêber Abdullah Ocalan hildan.

Meş li qada navçeya Til Rifet veguherî mitîngê. Li wê derê ji aliyê endama Tevgera Xwendekaran a navçeya Til Rifet Zozan Mihemed ve daxuyaniyek hat xwendin.

Zozanê tecrîda girankirî ya li dijî Rêber Abdullah Ocalan û diyar kir ku heta pêkanîna azadiya fîzîkî ya Rêber Abdullah Ocalan ew ê li ser piyan bin.

Çalakî bi diruşmeyên, “Bijî Serok Apo” û “Bê Serok jiyan nabe” bi dawî bû.

(zş/c)

ANHA