Şêniyên kantona Mînbicê berxwedana zindanan silav kir

Meclisa Kombûna Jinan a Zenûbya ya kantona Minbicê di çarçoveya pêngava cîhanê ya ji bo azadiya Rêber Abdullah Ocalan ku 10`ê Cotmehê dest pê kiriye, meşek li dar xist. Bi sedan şênî, endamên Rêveberiya Sivîl, Meclisa Kombûna Jinan a Zenûbya, Meclisa Malbatên Şehîdan û rûspiyên kantonê tev li meşê bûn. 

Meşê ji çerxerêya Mîzan dest pê kir û li çerxerêya El Meseb rawestiya û veguhertî mitingê.

Li ber çerxerêya El Meseb berdevka Meclisa Kombûna Jinan a Zenûbya ya kantona Minbicê Riweyde Hinêzel axivî û got: "Em bang li azadiya fîzîkî ya Rêberê neteweyî û ronakbîr Abdullah Ocalan ku sembola azadiyê ye û bi saya fikrê wî gelên azad gihaştin azadiya xwe, dikin."

Riweyde bang li tevahî rêxistinên navneteweyî û mafên mirovan kir ku fişarê li dewleta Tirk a dagirker bikin ji bo ku tecrîdê bi dawî bike û azadiya fîzîkî ya Rêber Abdullah Ocalan pêk were."

Riweyde soza mezinkirina û domandina têkoşînê heta azadiya fîzîkî ya Rêber Abdullah Ocalan pêk were, da.

Endamê Komîteya Însiyatîfa Azadiya Rêber Abdullah Ocalan a kantona MInbicê Zekî El Hesen carek din soz da gel û Rêber Abdullah Ocalan ku serkeftinê bi dest bixin û azadiya fîzîkî ya Rêber Abdullah Ocalan pêk bînin.

Dawiya çalakiyê, "Bijî berxwedana girtîgehan" û "Bê Serok jiyan nabe" hatin berzkirin.

(şx)

ANHA