Şêniyên Dirbêsiyê li dijî kêmkirina dema perwerdeya bi zimanê kurdî daketin kolanan

Şêniyên bajarê Dirbêsiyê li dijî biryara kêmkirina dema perwerdeya bi zimanê kurdî nerazîbûn nîşan da û daxwaza betalkirina biryarê da.

ROJANE

1 îlon, 2026 12:41

NAVENDA NÛÇEYAN

Îro şêniyên Dirbêsiyê li dijî biryara sînordarkirina perwerdeya bi zimanê kurdî bo 3 saetan di hefteyê de, nerazîbûn nîşan da û diyar kir ku ev biryar nîşana dûrxistin û paşguhkirina zimanê kurdî ye.

Di xwepêşandanê de ku li bazara navendî ya bajêr hate lidarxistin, şênî, endamên rêxistin û meclisên civaka sivîl, nûnerên partiyên siyasî û tevgerên ciwanan û jinan ên li bajêr amade bûn.

Di dema xwepêşandanê de, daxuyaniyek ji aliyê Dîlber Şemo û Silava Semo ve hate xwendin.

Di daxuyaniyê de hat gotin: "Em bi tundî biryara hikumeta Sûriyeyê ya veqetandina tenê 3 saetan di hefteyê de bo perwerdeya bi zimanê kurdî napejirînin. Zimanê kurdî nasname, çand, dîrok û bîra gelekî ye."

Di daxuyaniyê de ji hikumeta veghuêz hat xwestin ku tavilê vê biryara "neheq" betal bike û daxwaza naskirina mafê perwerdeya bi zimanê kurdî û her wiha afirandina derfetan ji bo pêşketin û parastina wî hat kirin.

(k)

ANHA