Şêniyên Dirbêsiyê cenazeyê şervanê QSD`ê Egîd Serêkaniyê spart axê

Şêniyên navçeya Dirbêsiyê ya kantona Cizîrê cenazeyê şervanê Hêzên Sûriya Demokratîk (QSD) Egîd Serêkaniyê (Ebdulcelîl Mihemed El Îsa) ku di berxwedana li hember êrişên dewleta Tirk a dagirker de li navçeya Zirganê 12`ê Kanûnê şehîd bûbû, oxir kir. Her wiha ji bo şervanê HPG`ê Kendal Cûdî (Rizgar Derwîş) ê li Metîna ya Herêmên Parastina Medyayê di 28`ê Mijdarê de şehîd bûbû, merasîmeke xiyabî, ku Goristana Şehîd Rustem Cûdî ya li gundê Berkevirê hate lidarxistin.

Di merasîmê de endama Meclisa Malbatên Şehîdan a navçeya Dirbêsiyê Foze Yusif axivî û sersaxî da malbata şehîd û got: "Bi saya fedekariyên ciwanên herêm, planên li dijî yekitiya gelan têk çûn."

Foza soza berxwedana li hember tevahî êrişên li dijî herêmê û berdewamkirina têkoşîna şehîdan da.

Endamê Meclisa Leşkerî ya Amûdê Berxwedan Amûde jî got ji bo têkbirina êrişên dewleta Tirk, hevgirt pêwîst e.

Apê şehîd Kendal Cûdî, Mehmûd Derwîş jî axivî û soz da rêya şehîdan berdewam bike.

Dawiyê, wesîqeyên şehadetê yên her du şehîdan hatin xwendin û radestî malbatên wan hatin kirin. Dûre girseya gel, cenazeyê şehîd Egîd Serêkaniyê li goristana Şehîd Rustem Cudî oxir kir.

(şx)

ANHA