Şêniyên Ceremana û Şehba qurbaniyên bûyerên Siwêdayê bi bîr anîn

Şêniyên bajarên Ceremana û Şehba bi çalakiyên cuda qurbaniyên bûyerên Tîrmeha 2025ˊan di salvegera yekemîn de bi bîr anîn.

ROJANE

13 tîrmeh, 2026 17:04

NAVENDA NÛÇEYAN

Xelkê bajarê Ceremana yê gundewarê Şamê û bajarê Şehba yê parêzgeha Siwêdayê îro qurbaniyên bûyerên Tîrmeha 2025ˊan a li Siwêdayê, bi çalakiyan bi bîr anîn.

Li Ceremana çalakiyek li Qada Siyûf ji bo bibîranîna qurbaniyên Siwêdayê hat lidarxistin. Beşdaran wêneyên qurbaniyan bilind kirin û dirûşmeyên pabendbûna xwe bi rûmeta gelê Siwêdayê û yekitiya çarenûsa wan piştrast dikin qîr kirin.

Li bajarê Şehba yê gundewarê Siwêdayê jî bi heman boneyê Komeleya Besmet Weten çalakiyek li dar xist. Di çalakiyê de girseya şêniyan, Hêzên Parêzvanên Niştîmanî û şêxên taîfeya Durziyan amade bûn.

Di çalakiyê de sivîlên di bûyerên Tîrmeha 2025ˊan de jiyana xwe ji dest daye hatin bibîranîn, her wiha şêniyên Şehba, malbatên qurbanî û windabûyan çalakiyek bêdeng li dar xist û banga aşkerakirina aqûbeta windabûyiyan û pêkanîna edaletê kir.

(fr)

ANHA

ŞEHBA

CEREMANA