Şehîdên Komkujiya Parîsê li Minbicê hatin bibîranîn

Meclisa Malbatên Şehîdan a kantona Minbicê şehîdên Komkujiya Parîsê bi bîr anîn û destnîşan kirin ku gelê herêmê dê bi pêşengiya jinan têkoşîn û berxwedanê bidomîne.

ROJANE

10 ÇILE, 2024 14:51

MINBIC

Meclisa Malbatên Şehîdan a kantona Minbicê ji bo bîranîna şehîdên Komkujiya Parîsê merasîmek li dar xist. Endamên meclisên kantonê, Meclisa Kombûna Jinan a Zenûbiya, Meclisa Malbatên Şehîdan, Meclisa Leşkerî ya Jinan û Hêzên Ewlekariya Hundirîn tev li merasîmê bûn ku li hola Navenda Çand û Hunerê ya bajêr li dar ket.

Di merasîmê de hevserokê Meclisa Malbatên Şehîdan a kantona Minbicê Rebî El Hemade axivî û got: “Dewleta Tirk a dagirker ji berê ve dixwaze gelê herêmê qir bike. Lê em ê her û her ji bo azadiya xwe û azadiya gelan tê bikoşin.”

El Hemade diyar kir ku Komkujiya Parîsê ya yekemîn berdewama Komkujiya Dêrsimê ye.

Berdevka Meclisa Kombûna Jinan a Zenûbiya Riweyda Hinêzel axivî û şehîdên Komkujiya Parîsê bi bîr anîn û banga hesabpirsîna ji sûcdaran kir.

Her wiha Riweyda destnîşan kir ku gelê herêmê bi pêşengiya jinan dê berxwedan û têkoşînê berdewam bikin.

Di merasîmê de sînevîzyonek têkildarî jiyana şehîdên komkujiyê hate pêşandan.

(şx)

ANHA