Şehîdên Komkujiya Parîsê li Helebê hatin bibîranîn

Şehîdên Komkujiya a Yekemîn Parîsê Sakîne Cansiz (Sara), Leyla Şaylamez (Ronahî) û Fîdan Dogan (Rojbîn) di salvegera 12ˈan a komkujiyê hatin bibîranîn.

ROJANE

7 ÇILE, 2025 14:09

HELEB

9ˈê Çileya 2013ˈan, ji pêşengên Tevgera Rizgariya Kurdistanê Sakîne Cansiz (Sara) û hevalên wê Fîdan Dogan (Rojbîn) û Leyla Şaylamez (Ronahî) li Parîs ji aliyê îstîxbarata dewleta Tirk ve hatin qetilkirin. Bi boneya salvegera 12ˈan a komkujiyê, Meclisa Kongra Star a Helebê çalakiyek bîranînê li dar xist.

Çalakî bi beşdariya endamên saziyan, tevger û partiyên siyasî û şêniyan li avahiya Meclisa Şehîd Cengîz hat lidarxistin.

Hevseroka Meclisa Taxa Şehîd Cengîz Sûad Şêxo axivî û têkoşîna her sê jinên pêşeng a ji bo mîsogerkirina azadiya jinan li Rojhilata Navîn û Kurdistanê vegot.

Sûad komkujiyek wekî xaleke reş di dîroka dewletên ku îdiya demokasî û azadiyê dikin bi nav kir û bi bîr xist ku 12 sal derbas bûn lê hesab nehatiya pirsîn.

Piştre sînevîzyonek li ser têkoşîna her sê jinên pêşeng Sakîne Cansiz, Fîdan Dogan û Leyla Şaylamez hat temaşekirin.

Çalakî bi dirûşmên dilsoziya bi şehîdan re bi dawî bû.

(bb)

ANHA