Şehîdên komkujiya 25’ê Hezîranê bi pêxistina mûman hatin bibîranîn

Şêniyên Kobanê bi pêxistina mûman şehîdên komkujiya 25’ê Hezîranê bi bîr anîn.

ROJANE

24 hezîran, 2025 22:34

KOBANÊ

Çeteyên DAIŞ’ê di 25’ê Hezîrana 2015’an de êrişî taxên Kobanê û gundê Berxbotan ê li başûrê bajêr kir û komkujî pêk anîn.

Şêniyên Kantona Firatê û malbatên şehîdan, li pakrewangeha şehîdan a li taxa Xebat a Kobanê û li gundê Berxbotan, bi merasîmekê şehîdên komkujiyê bi bîr anîn.

Di merasîma bibîranînê de fermandarê Meclisa Leşkerî ya bajarê Kobanê Mihemed Oso sersaxî ji malbatên şehîdan re xwest û got, "Em bejna xwel Ii beramber şehîdan ditewînin."

Oso wiha domand: "Gelê Kobanê her tim di nava têkoşînê de ye. Ji bo ku axa wan nekeve bin destê dijmin bi hemû awayî li hemberî êrişên çeteyên DAIŞ`ê têkoşîn kirin û li ber xwe dan û çete têk birin. Çeteyên DAIŞ`ê xwestin bi vê komkujiya hovane, xedar û ji xafil ve vîna gel bişikînin."

Mihemed Oso da zanîn ku ew ê ji bo xewn û armancên şehîdan li ber xwe bidin û soz didin şehîdan ku ew ê armancên wan pêk bînin.

Piştî axaftinê mûm li ser gorên şehîdîn hatin vêxistin.

Her wiha şêniyan li gundê Berxbotanê jî şehîdên komkujiyê bi pêxistina mûman hatin bibîranîn.

(mm/fr)

ANHA