Şehîd Gulê Selmo hat bibîranîn

Gulê Semlo di salvegera şehadeta xwe de hat bibîranîn.

ROJANE

13 adar, 2024 14:15

HELEB

Bi boneya salvegera 12’emîn a şehadeta çalakvana Yekitiya Star (Kongra Star) Gulê Selmo merasîmek li qada nêzî navenda Tevgera Ciwanên Şoreşger a Sûriyeyê ya li taxa Şêxmeqsûd a Helebê hat lidarxistin.

Di merasîma ku bi dehan jin, nûnerên partiyên siyasî, saziyên sivîl û endamên Hêzên Parastina Civakî (HPC-Jin) tevlê bûbûn de wêneyên şehîd Gulo Selmo û wêneyên Rêber Abdullah Ocalan hatin hildan.

Tabûra Şehîd Gulê Selmo merasîmek leşkerî li dar xist, piştre rêvebera Komîteya Têkiliyan a Kongra Star Fatima Hesen axivî. Fatima Hesen bal kişand ser kesayeta şehîd Gulê Selmo û got: "Revandina Rêber Abdullah Ocalan bandor li Gulê Selmo kir, ji ber vê yekê jiyana xwe da têkoşîna belavkkirina ramanên wî. Şehîd Gulê Selmo astengî nas nedkir, xwedî kesayetek bi hêz û îrade bû."

Çalakî bi dirûşmên "Şehîd namirin" û "Jin, Jiyan, Azadî" bi dawî bû.

Têkoşer Gulê Selmo dema rê neda komên çete rojnamevanên ku sûcên wan dişopandin, bireivînin, bû hedefa êrişê û birîndar bû. Gulê Selmo 3 rojan di nexweşxaneyê de ma û di 13’ê Adara 2013’an de şehîd bû.

(bb)

ANHA