Saziyên Civaka Sivîl ên Dêrazorê civîna salê li dar xist

Civîn li avahiya Saziyên Civaka Sivîl bi beşdariya nûnerên Yekitiya Cotkaran, Yekitiya Mamosteyan, nûnerên saziyên sivîl û endamên Saziyên Civaka Sivîl hate lidarxistin.

Di civînê de hevserokatiya Tevgera Civaka Demokratîk (TEV-DEM) Xerîb Hiso rewşa siyasî ya par û aloziyên derve, hewldanên dewleta Tirk û Îranê û hewldanên hikumeta Şamê yên tevlihevkirina ewlehî û îstîqrara li herêmê, bandorên şer li herêmê şîrove kirin.

Li aliyekî din jî hevserokê Saziyên Civaka Sivîl Îbrahîm El Sultan behsa şaştî û xebatên par kirin û wiha got: "Civîn ji yekitî û aliyên têkildar re hatin lidarxistin; 12 civînên mehane ji tevahî yekitî û odeyan re ji bo rêxistinkirina beşên civakê hatin lidarxistin. Em beşdarî civîna jinûve amadekirina reşnivîsa Hevpeymana Civakî ya li Hesekê û Reqayê bûn, her wiha em beşdarî tevahî civînên bi TEV-DEMˊê re bûn û me 8 civîn bi Yekitiya Cotkar û Şîrketa Pêşxistina Civaka Çandiniyê re li dar xistin."

Dûre beşdaran li ser astengiyên par û danîna plansaziya sala bê nîqaş kirin.

Civîn bi gelek encamnameyan bi dawî bû; navê Saziyên Civaka Sivîl bû Rêxistinên Civaka Demokratîk, civînên fireh ji tevahî yekitiyan re werin lidarxistin, dewreyên girtî û vekirî were vekirin û yekitiyên mayî werin temamkirin.
(fr)

ANHA